فتاح- كفتور- هاين- كاشروخاسس الل هو هفيستوس وفولكان اليونان والرومان كان اول معمار بالتاريخ، مأسّس مدرسي معماريّي كونوية المعرفي هيي الرح ينتمي الا حيرام باني هيكل أورشليم.
من أبرز وأروع شخصياتنا المألّها اللي معبايي قصصا الميتولوجيات، شخصية فتاح- هفيستوس المعروف بأٍامي عديدي: هاين، فولكان، كاشر وخاسس، كفتور.
فتاح هفيستنوس- فولكان من الالها الل بيزكرون بوقت واحد سنخوني اتن وملاحم أوغاريت. سنخوني اتن بيحكيلنا عن إلهين متحدّرين من بطلين عطيو اسامين لحرف صيد البحر وصيد البر هن: اغريوس (صيدا) وايليوس (صيدون) وبيسمين كريزور (قشور) وهفيستوس (فولكان). وبيرجّعلن اكتشاف الحديد اكتشاف الحديد وكل المصنوعات الل بتعتمد ع الحديد. وبيقول انو الأول (كريزور) مارس البلاغا الخطابيي والسحر والنبوءات. بس التاني هفيستوس- فولكان خترع الصنّارا والطعم وقصبة الصيد والطوف. وهو ابحر قبل كل الناس. لهيك عبدوه بعد موتو كـ إله وسموه زوش ميكيوس (يعني زوش الملك).
بس ملاحم أوغاريت بتحكي عن كاشر وخاسس كائن شخصيي واحدي مهمي ومتعددة المواهب.
شو بتفيدنا ملاحم أوغاريت عن كاشر وخاسس أو هاين- كفتور؟
منتساءل بالاول: ترى كاشر وخاسس شخصيي واحدي ياسمين أو شخصيتين؟ المستندات العنّا هيّي اليوم ما بتسمحنلنا نبتّ بهأ الموضوع. كل شي منأكدو انو نص سنخوني اتن بيحكي عن شخصيتين، عن خيين متميزين وبيرجع لكل واحد منن أعمال معيني، بينما الملاحم هيي بتحكي عطف. برأينا في شخصيتين متميّزين دمجتن الملاحم لانو واحد منن أقوى بكتير من التاني. هيك عمل كاتب الملاحم بخصوص يمّ ونهر. وهيك عمل كمان بخصوص تور وايل.
ع كل حال بوسايقنا التاريخيي، شخصية هفيستوس- كاشر وخاسس واضحة المعالم، وبتحتلّ مركز من مراكز الصدارا بالملاحم، بالاخص بملحمة "البعل وعنت" وبملحمة دان ايل.
كاشرو خاسس، ملك مصر اللبناني، بيرجع ع لبنان تيعمّر قصور وهياكل للآلهابينفهم من الملاحم انو كاشر وخاسس ملك ع مصر، وانو الملك ايل بعت طلبو ليعمّر قصور الالها. ومنشوف كاشر وخاسس.
"بيفوت ع حمى ايل وبيجي لبيت الملك، بيّ السنين، وعند اجرين ايل.
فإزن كاشر الل بيخضع لسلطة ايل، هوي من الملوك اللي عيّنن ايل لمن وزع ممالك العالم ع اخصّائو. وبما انو كان كاشر وخاسس نابغا بفن العمار بعت الملك ايل وراه يستعين بنبوغو:
"يا كاشر وخاسس، عجّل بـ عمار قصر يمّ، وبعمار هيكل القاضي نهر". بس كاشر وخاسس ما بيستجيب بدون ما يعطي رايو. بينصح البعل بانو يتلخص من خصومو الل كان ع راسن يم، "تيربح كرسي الملك للأبد". ومنشوفو عميصنع صولجان (او صولجانين) بيسميّه "يجرش" (او الطارد) وعيمينزّل سلاح ع الساحا بيسميه "أيمر"، وبيئمر الصولجان والسلاح يشحطو يم- القاضي نهر عن العرش تيقعد البعل مطرحو.
هاين- كاشر وخاسس ماهر بصناعة الادوات المعدنيي:
بينفهم من هـ النص انو كاشر وخاسس شاطر بـ صنع الادوات المتنوعا الل منا الاسلحا والصولجانات. وهـ الشي بيتفق مع الاجا عند سنخوني اتن من انو خترع هو وخيو كتير من المصنوعات الحديديي. ولمن منقرأ بقية نصوص الملاحم، منشوف انو كاشر وخاسس- (الل بتسميّه الملاحم كمان هاين (فولك- هاين او فولكان)- عارف مش بس بصناعة الاشيا الحديديي كمان باستخدام الدهب والفضة وبقية المعادن. منشوفو "بيطلع للكير وبايدو الملاقط (...)
"بيسكب الفضّا، وبيرقق
"الدهب (...)
"بيصب المعادن أواني (...)
"منصا مطعمي بالفضا
"مزركشي ومطليّي بالدهب
"عرش للآله، ومتكا
"موطئ إجرين لـ الآلها (...)
"سفرا الهيّي من دهب (...)
"كاسات للآلها رقيقا بتسبه الحمل الزغير" (...)
بهـ المقطع منشوف كاشر- وخاسس، وهو بالشغل عميجهّز المعادن للصهر وعميصبّا أواني، او عميعمل ادوات للهيكل الل بلش يعمّرو.
وبيولم البعل ع شرف كاشر وخاسس يومة البيبلش هـ المعمار بعمار قصرو او هيكلو "الشاسع المساحات"، والملبّس بالفضا والدهب. وبيتشاور كاشر وخاسس مع البعل بخصوص العمار. البعل ما بدو شباك بـ نصّ الهيكل بس المعمار بيجرّب يقنعو بضرورة فتح هـ الشباك. وبعد المشاورات بيبعت. المعمار موفدينو ع جيال لبنان وسيريون (انتي لبنان) تيقطعولو السجر، بالاخص "ارز لبنان الجميل"، وبيجهزوه للعمار. وبيشعّلو النار لصهر المعادن وبعد صهرا بيصبّ المعمار الدهب لواح ولبنات. وبيعمّر قصر البعل من دهب وفضا. وبعد ايام منشوفن عميولو لتدشين القصر.
وهوي وكاشر وخاسس عميعمّر، بينصرف البعل لخوض المعركي الحاسمي الل ع أترا بيبسط سلطتو ع 99 مديني. وبعدين بيرجع لجبلو وبيبعت يخبّر كاشر وخاسس- البتلقبو الملاحم بـ "البنّاء انو قبل يفتح الشباك. بعدا منشوف كاشر وخاسس عميساعد صديقو البعل ع قتل التنين (ممسّل يم) القاضي نهر. هاين- فولكان الهو فتاح- كفتور "اله مصر" كان صنايعي فنان.
وبيسافر وفد ع مصر، مملكة كاشر وخاسس أو كفتور "البنّاء". وبيقصد مدينة ممفيس "كرسي موطنو" و "ارض ميراسو". وبيصلو اعضا الوفد (جفن وحقل) رسالي لـ الصنايعي الفنان هاين، بتطلب منو انو يجي ع لبنان، ويكفي عمار هيكل البعل بـ جبل صافون.
وبالاخر منشوف كاشر وخاسس عميحضر وليمي عزمو عليا دان ايل القاضي بهـ المقطع بيورد انن كانو يلقّبو كاشر وخاسس "سيد مصر" و"اله مصر كلا". وبيتسمّى كمان هاين (فولكان)...
من ملاحم أوغاريت منستخلص انو كاشر وخاسس أو هاين (فولكان أو كفتور (فتاح) هو معمار بيبعتو وراه من أرض بعيدي، تيعمّر هياكل وقصور وهـ المعمار ماهر بكل الصنايع وبكل الفنون البترجع للمعادن: بيبرع بصيغ مفروشات الهياكل والقصور متلما بيتقن صنع الكاسات المزيّني بالنقوش، وباقي الادوات المنزليّي وغير المنزليي والاسلحا.
ورح يضلو المعماريّين اللبنانيين يتقنو هـ الفنون كلاّ متلما منستنتج من وصف هيكل اورشليم اللي رح يعمرو المعمار حيرام الكونوي المعرفي، ويضلو يبرع فيا طول حقبات العظيمي.
